पैठण, दि.४.प्रतिनिधी
पुण्यश्लोक राजमाता अहिल्यादेवी होळकर यांच्या जयंतीनिमित्त नांदर, ता. पैठण, जि. छत्रपती संभाजीनगर येथे मोफत महाआरोग्य शिबिराचे आयोजन करण्यात आले. समाजहित आणि लोककल्याणाच्या भावनेतून आयोजित करण्यात आलेल्या या शिबिरास नागरिकांचा उत्स्फूर्त प्रतिसाद लाभला.
कार्यक्रमाचे उद्घाटन जिल्हा परिषद सदस्य मा. शिवराज भैय्या भुमरे यांच्या शुभहस्ते संपन्न झाले. यावेळी पंचायत समिती सदस्य मा. उदयसेन भैय्या काळे, सरपंच विजय भाऊ गायकवाड, उपसरपंच, आसमान दादा काळे, सर्व ग्रामपंचायत सदस्य, रेवन नाना कर्डिले, यशवंत दादा काळे, कचरू नाचन, प्रवीण काळे, शिवाजी मगरे, अंकुश सोनवणे, पोलीस पाटील गोपालजी वैद्य तसेच विविध मान्यवर पदाधिकारी, ग्रामस्थ आणि तरुण मित्र मंडळाचे सदस्य मोठ्या संख्येने उपस्थित होते.
राजमाता अहिल्यादेवी होळकर यांच्या लोककल्याणकारी विचारांना अभिवादन करत आयोजित करण्यात आलेल्या या शिबिरामध्ये नागरिकांच्या विविध आरोग्य तपासण्या करण्यात आल्या. शिबिराच्या यशस्वी आयोजनासाठी समता फाउंडेशन, लायन्स नेत्र रुग्णालय, छत्रपती संभाजीनगर, डॉ. संदीप गायकवाड, डॉ. मंगेश देशमुख, श्री. सोमनाथ चांदलकर, समन्वयक जनार्धन तळपे, डॉ. जीवन राजपूत (जे जे प्लस हॉस्पिटल), रणजित व्ही. बेडवाल, डॉ. अजित माळी, निलेश खोत, वामन रगड आणि विशाल ठोकळ यांनी विशेष सहकार्य केले.
ग्रामीण भागातील नागरिकांना दर्जेदार आरोग्यसेवा उपलब्ध करून देण्याच्या उद्देशाने आयोजित करण्यात आलेल्या या महाआरोग्य शिबिराचे सर्व स्तरांतून कौतुक करण्यात येत आहे.
